Muqdisho (WDN)- Ra’iisal wasaaraha xukuumadda Soomaaliya Md. Xamse Cabdi Barre, ayaa ka hadlay qaraxa ka dhacey xarunta KMG ah ee maamulka Hirshabeelle ee magaalada Jowhar, kaasi oo dhimasho,dhaawac iyo burbur hantiyeed oo baaxad leh geystay.
Ra’iisal Wasaaraha oo la hadlay Madaxweynaha Maamulka Hirshabeelle Cali Guudlaawe, ayaa ka tacsiyeeyey dadkii ku dhintey weerarka ismiidaaminta, isagoo caafmaad degdeg ah eebbe uga baryey dadkii ku waxyeeloobay.
R’aiisalwasaaraha ayaa ku tilmaamay weerarka ka dhacey Jowhar mid lagu dabargoynayo bulshada Soomaaliyeed, isla markaana muujinaya arxan la’aanta kooxaha argagixisada ee aan u kala socneyn shacabka masaakiinta ah.
Md. Xamse ayaa ballan qaadey in lala xisaabtami doono dadkii ka danbeeyey weerarkii maanta, waxa uuna balanqaadey xukuumadiisa mudnaanta 1aad in ay siinayso la dagaalanka kooxaha argagixisada ah ee Alshabaab iyo Daacish ee ummadda Soomaaliyeed dhibaatada xoogan ku haya.
Barqadii maanta ayaa gaari walxaha qarxa laga soo buuxiyey waxaa lagu weerarey hoteel ku yaala magaalada Jowhar, oo ay inta badan adeegsadaan masuuliyiinta maamulka Hirshabeelle kaasi oo sababey dhimasho,dhaawac iyo burbur hantiyeed oo aad u baaxadweyn.
Maxamed Cumar Aadan
WardheerNews, Muqdisho
We welcome the submission of all articles for possible publication on WardheerNews.com. WardheerNews will only consider articles sent exclusively. Please email your article today . Opinions expressed in this article are those of the author and do not necessarily reflect the views of WardheerNews.
WardheerNew’s tolerance platform is engaging with diversity of opinion, political ideology and self-expression. Tolerance is a necessary ingredient for creativity and civility.Tolerance fuels tenacity and audacity.
WardheerNews waxay tixgelin gaara siinaysaa maqaaladaha sida gaarka ah loogu soo diro ee aan lagu daabicin goobo kale. Maqaalkani wuxuu ka turjumayaa aragtida Qoraaga loomana fasiran karo tan WardheerNews.
Copyright © 2024 WardheerNews, All rights reserved
