Muqdisho(WDN), Qarax aad u xooggan oo loo adeegsadey gaari walxaha qarxa laga soo buuxiyey ayaa lagu weerarey goob ay ku yaalaan hoteelo ay degaan inta badan mas’uuliyiinta maamulka HirShabeelle ee magaalada Jowhar ee xarunta KMG ee maamulkaasi.
Warar kala duwan ayaa laga helayaa goobta weerarku ka dhacey oo ay ku yaalaan hoteelo dhawr ah sida Hotel Shabeelle, Hotel Nuur Doob iyo Hoteel Beder, waxaana lagu soo waramayaa in qaraxu buburiyay dhismooyinkii ku dhawaa goobta weerarku ka dhacey.
Qasaaro nafeed iyo mid hantiyeed oo baaxad leh ayay wararku sheegayaan in qaraxaasi uu dhaliyey illaa iminkana lama qiyaasi karo qasaaraha dhabta ah weerarkaasi ka dhashay.
Wararka qaar aynu helayno ayaa sheegayaa in masuuliyiin uu ka mid yahay wasiirka caafmaadka maamulka Hirshabelle uu dhaawac ka soo gaarey qaraxa.
Qaraxa ka dib ayey wararku sheegayaan in la maqlayo rasaas ay furayaan ciidamada amaanka maadaama goobta la weerarey ay ahayd goob ay adeegsadaan inta badan masuuliyiinta maamulka Hirshabelle.
Kala soco wixii kusoo kordha weerarkaan wararkeena danbe.
Maxamed Cumar Sh. Adan
WardheerNews, Muqdisho
We welcome the submission of all articles for possible publication on WardheerNews.com. WardheerNews will only consider articles sent exclusively. Please email your article today . Opinions expressed in this article are those of the author and do not necessarily reflect the views of WardheerNews.
WardheerNew’s tolerance platform is engaging with diversity of opinion, political ideology and self-expression. Tolerance is a necessary ingredient for creativity and civility.Tolerance fuels tenacity and audacity.
WardheerNews waxay tixgelin gaara siinaysaa maqaaladaha sida gaarka ah loogu soo diro ee aan lagu daabicin goobo kale. Maqaalkani wuxuu ka turjumayaa aragtida Qoraaga loomana fasiran karo tan WardheerNews.
Copyright © 2024 WardheerNews, All rights reserved
