Muqdishu (WDN) – Qarax xoogan oo lala beegsaday Inta u dhaxeysa Hotelka SYL ee magaalada Muqdisho iyo Irida laga galo Madaxtooyada Soomaaliya, ayaa maanta ka dhacay caasimada Soomaaliya ee Muqdisho. Qaraxa oo ahaa mid si aad ah looga maqlay qeyba badan oo ka mid ah magaalada, ayaa ahaa mid loo adeegsaday gaari lagu soo raray walxaha qarxa.
Wararka ayaa sheegaya in gaarigan oo ahaa kuwa xamuulka qaada, uu ku qarxay meel ku dhow hotel SYL iyo Hotel Siyad.
Ilaalada goobta qaraxa uu ka dhacay ayaa la sheegay inay rasaas ku rideen gaariga, balse gaariga uu qarxay waxaana burbur xoog leh soo gaaray qeybo ka mid ah hotel SYL iyo hotel Siyad
Baabuuro ay dad rayid ah saarnaayeen ayaa la sheegay in ay ku gubteen, dadkii saarnaa baabuurtaasin ay goobtaasi ku dhaawacmeen.
Warar naga soo gaadhaya qaraxii ka dhacay banaanka Hotelka SYL oo ku dhow Madaxtooyada, ayaa waxa ay sheegayaan in mas’uuliyiin isugu jira Wasiiro iyo Xildhibaano dowladda oo ka soo jeeda gobolada waqooyi oo shir uga socday hotel kaasi ay dhaawacyo soo gaareen.
Wasiiru dowlaha wasaarada gaashaandhiga Maxamed Cali Xaggaa, oo u waramayay laanta afka Soomaaliga ah ee VOA, ayaa sheegay in isaga iyo labo wasiir oo ka tirsan xukuumadda Soomaaliya ay dhaawacyo fudud soo gaareen.
Ugu yaraan 13 qof ayaa ku dhimatay in ka badan 50 kalena wey ku dhaawacmeen qaraxa Ismiidaamin ah ee maanta ka dhacay magaalada Muqdisho.
Maleeshiyaadka Al-shabaab ayaa dusha u ritay mas’uuliyada qaraxa. Ma aha aha markii ugu hereeysay ee Qarax Nuucani ah uu ka dhaco halkaasi.
Mohamed Nuur Amiin
Wardheernews Muqdisho.
We welcome the submission of all articles for possible publication on WardheerNews.com. WardheerNews will only consider articles sent exclusively. Please email your article today . Opinions expressed in this article are those of the author and do not necessarily reflect the views of WardheerNews.
WardheerNew’s tolerance platform is engaging with diversity of opinion, political ideology and self-expression. Tolerance is a necessary ingredient for creativity and civility.Tolerance fuels tenacity and audacity.
WardheerNews waxay tixgelin gaara siinaysaa maqaaladaha sida gaarka ah loogu soo diro ee aan lagu daabicin goobo kale. Maqaalkani wuxuu ka turjumayaa aragtida Qoraaga loomana fasiran karo tan WardheerNews.
Copyright © 2024 WardheerNews, All rights reserved
