Thursday, March 28, 2024
Wardheer News
  • Slideshow
  • Warar

Madaxweynaha Soomaaliya oo booqasho uga bilaabantayTanzania kana qeybgeli doona shirka iskaashiga Dalladda Bulshada Bariga Afrika

Muqdisho (WDN)- Madaxweynaha Jamhuuriyadda Federaalka Soomaaliya Md. Xasan Sheekh Maxamuud, ayaa u ambabaxey dalka Tansaaniya oo uu ka helay martiqaad rasmi ah si uu uga qeybgalo shirka dalalka ku midoobey  dalladda bulshada Bariga Afrika ( EAC) oo ka furmi doona magaalada Aruusha.

Sida lagu sheegay qoraal madaxtooyada Soomaaliya kasoo baxey Madaxweyne Xasan ayaa uga warbixin doona madaxda shirkaas isugu imaanaysa fursadaha dhaqaale ee Soomaaliya ka jira, gaar ahaan dhanka wax soo saarka, maalgashiga iyo dadaallada dhiiri-gelinta mudan ee ganacsatada Soomaaliyeed ay wadaan.

Madaxweyne Xasan ayaa mudnaan gaar ah siinaya kor u qaadidda dhaqaalaha dalka iyo xoojinta in Soomaaliya ay wax badan ka hesho iskaashiga dalalka dallladan, taas oo shacabka Soomaaliya fursad u siinaysa inay ka faa’idaystaan fursadaha dhaqaale ee ay abuuri karto ka mid noqoshada Bulshada Bariga Afrika (EAC).

Dalladdan Bulshada Bariga Afrika (EAC) ayaa waxaa ku mideysan 7-dal oo uu ka dhexeeyo hal Baasaboor iyo suuq muhiim u ah Gobolka, kuwaas oo kala ah; Jamhuuriyadda Dimuqraadiga  Kongo, Burundi, Kenya, Ruwaanda, Koonfurta Suudan, Uganda iyo Tansaaniya.

Dowladda Federaalka Soomaaliya ayaa sanaddii 2016-kii gudbidsatay codsi ah ka mid noqoshada dalladan, waxaana dowladda Xasan Sheekh ay rajo fiican ka qabtaa in codsigan la aqbalo, si loo xaqiijiyo fududeynta socdaalka muwaadiniinta Soomaaliyeed ee doonaysa  suuq-geynta wax-soosaarkooda iyo kobcinta dhaqaalaha Soomaaliya.

Maxamed Cumar Aadan
WardheerNews, Muqdisho


We welcome the submission of all articles for possible publication on WardheerNews.com. WardheerNews will only consider articles sent exclusively. Please email your article today . Opinions expressed in this article are those of the author and do not necessarily reflect the views of WardheerNews.

WardheerNew’s tolerance platform is engaging with diversity of opinion, political ideology and self-expression. Tolerance is a necessary ingredient for creativity and civility.Tolerance fuels tenacity and audacity.

WardheerNews waxay tixgelin gaara siinaysaa maqaaladaha sida gaarka ah loogu soo diro ee aan lagu daabicin goobo kale. Maqaalkani wuxuu ka turjumayaa aragtida Qoraaga loomana fasiran karo tan WardheerNews.

Copyright © 2024 WardheerNews, All rights reserved

Leave a Reply

You must be logged in to post a comment.