Muqdisho (WDN)- Madaxweynaha Jamhuuriyadda Federaalka Soomaaliya Md. Xasan Sheekh Maxamuud, ayaa booqasho rasmi ah oo qaadanaysa muddo afar maalmood ah ugu ambabaxay dalka Ereteriya, ka dib markii uu martiqaad rasmi ah ka helay dhiggiisa Isaias Afwerki.

Madaxweyne Xasan Sheekh iyo Madaxweyne Isaias Afwerki ayaa qaadan doona wada-hadallo dhinacyo badan taabanaya, arrimaha ciidamadii tababarka loogu qaaday dalka Ereteriya labo sano ka hor oo war iyo wacaalkooda muddo la la’aa.

Madaxweyne Xasan ayaa horey u balanqaadey in ciidamadaasi si degdeg ah dalka ugu soo celin doono, isla markaana qeyb ay ka noqon doonaan olo’laha lagula dagaalami doonno kooxda xag jirka ah ee Alshabaab oo deegaano ballaaran gacanta ku haysa.

Maxamed Cumar Aadan
WardheerNews, Muqdisho