Muqdisho (WDN)- Wasaaradda Maaliyadda ee Maraykanka ayaa Isniintii 4-tii bisha Maarso , 2024, cunaqabateyn ku soo rogtay shabakad caalami ah oo xidhiidh dhaqaale iyo lacag-dhaqid la leh kooxda xagjirka ah ee Al-Shabaab ee ka dagaalanta Soomaaliya.
Cunaqabateyntan ayaa lagu soo rogay 16 hay’adood iyo shaqsiyaad degan ama ku kala faafsan Geeska Afrika, (Kenya, Soomaaliya), Imaaraadka Carabta iyo Qubrus, sida lagu sheegay bayaan ka soo baxay wasaaradda maaliyadda ee Maraykanka.
Shakhsiyaadka shabakadan ku jira waxaa ka mid ah ganacsato saamayn ku leh gobolka, kuwaas oo la sheegay in ay dhaqaalaha soo gala ay Al Shabab maalgelin qarsoodi ah ugu sameeyaan, iyagoo markaas taageero dhaqaale iyo maalgelin siiya al-Shabaab, oo dagaallo argagixiso ka wada Soomaaliya iyo guud ahaan Bariga Afrika, islamarkaana mas’uul ka ah weeraro argagixo kuwii ugu xumaa taariikhda casriga ah ee ka dhaca Geeska iyo Bariga Afrika.
Shakhsiyaadka iyo hay’adahan lagu soo rogey xanibaada, waxaa lagu qaaday si waafaqsan Amarka Fulinta (E.O.) 13224, ee wax laga beddelay, kaas oo bartilmaameedsada kooxaha argagixisada iyo u edeegayaashooda.
“Dowladda Maraykanka waxaa ka go’an in ay la shaqeyso saaxiibada gobolka, si loo ciribtiro shabakadaha ku hawlan maalgelinta argagixisada iyo hay’addaha ay ku takri falaan si ay ugu ururiyaan dhaqaale lagu maalgeliyo,” ayuu yiri ku xigeenka Xoghayaha Maaliyadda ee waaxda Argagaxisada iyo Sirdoonka Maaliyadda Brian E. Nelson. “Tallaabada maanta waxay qayb ka tahay dadaallo dhinacyo badan leh oo ay waddo Hanti-dhowrku si ay u taageerto weerarrada dhaqaale ee dowladda Soomaaliya ee ka dhanka ah Al-Shabaab, oo ah mid ka mid ah saddexda tiir ee ololahooda lagula dagaalamayo kooxda argagixisada ah ee dilaaga ah.”
Tallaabadan, oo daba socotay cunaqabatayn dowladda Mareykanka horey u saartay shabakado kale oo xiriir la lahaa al-Shabaab, bishii Oktoobar 2022, ayaa xayirtay hantida ay Mareykan ku leeyihiin kuwa la bartilmaameedsaday, waxayna guud ahaan ka mamnuucaysaa dadka Mareykanka ah inay la macaamilaan shabakadan.
Warbixinta waxay sheegtay in Al-Shabaab, oo Washington ay u aragto koox argagixiso, ay soo gasho in ka badan 100 milyan oo doolar sannadkii, oo ay ku jirto baadda ay ka qaataan ganacsiyada maxalliga ah.
“Khatarta al-Shabaab kuma koobna Soomaaliya oo keliya,” ayuu sheegay afhayeen u hadlay wasaaradda arrimaha dibadda Matthew Miller. Isaga oo ku sheegay qoraal uu soo saaray
“Dakhliga Al-Shabaab waxaa loo qaybiyaa kooxaha kale ee xiriirka la leh al-Qaacida ee caalamka oo dhan, waxayna gacan ka geystaan maalgelinta hamiga caalamiga ah ee al-Qaacida ee ah inay ku kacaan falal argagixisanimo ayna wiiqaan dowlad wanaaga.”
Al Shabaab oo xiriir la leh Ururka Al Qaacidda, ayaa tan iyo sanadkii 2006 waxa ay waday kacdoon ka dhan ah dowladda Somaliya.
Shabakada al-shabaab ee lacag-dhaqida wadamada imaaradka iyo Bariga Afrika:
Shabakadda isku xiran ee shaqsiyaadka iyo hay’adaha maanta la magacaabay ayaa warxinty sheegtay in ay qeyb weyn ku leeeyihiin aruurinta iyo dhaqidda malaayiin dollar oo lagu maalgeliyay ganacsiyo dhowr ah oo ku jihaysan yihiin maslaxadda Al-Shabaab.
Waraxinta ayaa lag magacaabay Haleel Commodities L.L.C. oo fadhigeedu yahay Dubai, sidoo kalena loo yaqaano Haleel Group, ayaa lagu sheegay in uu yahay fududeeye dhaqaale oo muhiim u ah Al-Shabaab, taas oo ku tiirsan Haleel Group, iyo sidoo kale laamaheeda iyo faraceeda Soomaaliya, Kenya, Uganda, iyo Qubrus si ay maalgash ugu sameeyaan lacagaha la dhaqo.
Shirkadaha Haleel Group ee Qubrus waxaa ka mid ah: Haleel Finance LTD, Haleel Holdings, iyo Haleel LTD; iyagoo sidoo kale laamo ku leh Kenya (Haleel Commodities Limited) iyo Uganda (Haleel Commodities LTD), iyagoo sidoo ay ka jirto Soomaaliya Haleel Electronics.
Saamaynta canaaqaynta
Arinta amarka xanibaada dhaqaale ayaa saamaynaya dhamaan hantida iyo danaha ay leeyihiin shaqsiyaadka iyo hay’addaha warbixintu xustay iyo hay’ad kasta oo ay si toos ah ama dadbanba leeyihiin boqolkiiba 50 ama in ka badan, gaar ahaan ama cid kale oo la xayiray, kuwaas oo ah gudaha Maraykanka ama haysashada ama gacanta ku haynta dadka Maraykanka waa in la xannibaa oo loo sheego OFAC.
Xeerarka OFAC ayaa guud ahaan mamnuucaya dhammaan la macaamilka dadka Mareykanka ama gudaha Mareykanka (ay ku jiraan wax kala beddelashada Mareykanka) ee ku lug leh wax kasta oo hanti ah ama danaha hantida dadka la magacaabay ama la xannibay. Intaa waxaa dheer, ku lug yeelashada macaamil ganacsi gaar ah oo lala yeesho shakhsiyaadka maanta loo waraxinta lagu soo saaray, waxay keenaysaa khatarta cunaqabataynta labaad oo waafaqsan E.O. 13224. Iyada oo la raacayo maamulkan, OFAC waxay mamnuuci kartaa ama ku soo rogi kartaa shuruudo adag furitaanka, iyo sidoo kale xanibaada akoontada Maraykanka, ama akoonka xidhiidh la leh hay’ad maaliyadeed shisheeye oo si bareer ah u qabatey ama fududaysay wax kala iibsi kasta oo muhiim ah iyada oo wakiil ka ah si gaar ah loogu aqoonsaday Argaxgixiso.
Halkan ka akrisho Warbixinta oo dhan
WardheerNews
We welcome the submission of all articles for possible publication on WardheerNews.com. WardheerNews will only consider articles sent exclusively. Please email your article today . Opinions expressed in this article are those of the author and do not necessarily reflect the views of WardheerNews.
WardheerNew’s tolerance platform is engaging with diversity of opinion, political ideology and self-expression. Tolerance is a necessary ingredient for creativity and civility.Tolerance fuels tenacity and audacity.
WardheerNews waxay tixgelin gaara siinaysaa maqaaladaha sida gaarka ah loogu soo diro ee aan lagu daabicin goobo kale. Maqaalkani wuxuu ka turjumayaa aragtida Qoraaga loomana fasiran karo tan WardheerNews.
Copyright © 2024 WardheerNews, All rights reserved
