Waasaaradda Arrimaha Dastuurka ayaa maanta kulan wadatashi ah la yeelatay Guddiga Kor-joogteynta Dib-u-eegista Dastuurka ee Baarlamaanka iyo Guddiga Madaxabannaan ee Dib-u-eegista Dastuurka.
Ujeeddadka Kulanka ayaa ahaa in la dardar-geliyo wadashaqaynta sadex geesoodka ah ee ka dhaxeysa Wasaaradda iyo Gudiyada.
WasiirkaArrimaha Dastuurka Cabdiraxmaan Xoosh Jibriil oo kulanka ka hadlay ayaa sheegay in wadashaqayn iyo midnimo ay tahay in lagu wajaho hawlaha baaxadda leh ee horyaalla Wasaaradda iyo Guddiyada.
Md. Xoosh oo ka hadlayay ujeeddada kulanka ayaa sheegay in uu ahaa inaan isla garanno sida aan u wadashaqayn laheyn maadaama hawlo badan noo yaalaan, shacabka Soomaaliyeedn inooga fadhiyaan hawl ballaaran oo ah in Dastuurka dib-u-eegis lagu sameeyo.
“Wasaaradda waxaa ka go’an in ay wadashaqayn dhaw idinla yeelato” ayuu yiri Wasiir Xoosh.
Gudoomiyaha Guddiga Kor-joogteynta Arrimaha Dib-u-eegista Dastuurka ee Baarlamaanka Xildhibaan Cabdiqaybdiid iyo Gudoomiyaha Guddiga Madaxabanaan ee dib-u-eegista Dastuurka Maxamed Dahir Afrax oo iyaguna goobta ka hadlay ayaa waxa ay soo dhaweeyeen in wadashaqaynta la dardar-geliyo loona midoobo hawsha Qaran.
Ugu danbeen war murteyeedki ka soo baxay kulanka waxaa saxaafadda la wadaagay wasiirka Dastuurka, Guddoomiyaha GudigaDastuurka labada Aqal iyo Midka madaxa Banaan.
Kulanka ayaana kusoo idlaadau guul iyo isfaham laga gaaray.
Maxamed Nuur Amiin
Wardheernred’ Muqdisho.