Muqdisho, Baarlamaanka 11aad ee Soomaaliya ayaa maanta codka kalsoonida siiyey ra’isalwasaaraha cusub ee xukuumadda federaalka Soomaaliya Xamse Cabdi Barre oo dhawaan uu soo magacaabay madaxweyne Xasan Sheekh Maxamuud.
Xildhibaannada golaha shacabka baarlamaanka Soomaaliya ayaa qaab gacan ah codka kalsoonida ku siiyey ra’isalwasaare Xamse, ayadoo aanu jirin xildhibaan diidey ama ka aamusey,waxaana kulankii maanta oo ay soo xaadireen 220 xildhibaan.
RW Xamse ayaa la dhaariyey kadib markii uu ku guulaystey kalsoonida golaha shacabka, isagoo hadal kooban oo uu ka jeediyey kulanka golaha ku sheegay inuu waqti kooban gudihiis uu kusoo dhisi doono xukuumad khubaro u badanyihiin, taasi oo si degdeg ah wax uga qabata dhibaatooyinka dalka ka jira.
15-kii bishaan ayey ahayd markii ra’isalwasaare Xamse Cabdi Barre uu magacaabay madaxweyne Soomaaliya Xassan Sheekh Maxamuud si uu u hoggaamiyo xukuumad cusub oo badasha xukuumadda xilgaasiinta ah ee uu hoggaamiyo Maxamed Xuseen Rooble
Maxamed Cumar Sheekh Adan
WardheerNews, Muqdisho
We welcome the submission of all articles for possible publication on WardheerNews.com. WardheerNews will only consider articles sent exclusively. Please email your article today . Opinions expressed in this article are those of the author and do not necessarily reflect the views of WardheerNews.
WardheerNew’s tolerance platform is engaging with diversity of opinion, political ideology and self-expression. Tolerance is a necessary ingredient for creativity and civility.Tolerance fuels tenacity and audacity.
WardheerNews waxay tixgelin gaara siinaysaa maqaaladaha sida gaarka ah loogu soo diro ee aan lagu daabicin goobo kale. Maqaalkani wuxuu ka turjumayaa aragtida Qoraaga loomana fasiran karo tan WardheerNews.
Copyright © 2024 WardheerNews, All rights reserved
