Muqdisho (WDN)- Mas’uuliyiin ka tirsan Dowladda Federaalka, Golaha Baarlamaanka iyo Maamulka Galmudug ayaa maanta gaarey deegaano laga saarey maleeshiyaadka Alshabaab oo ka tirsan gobolka Galgaduud.
Deegaanada masuuliyiintaan ay booqdeen ayaa waxaa ka mid ah Sinadaqo, Labidule iyo Gusar, waxaana halkaasi hadalo ay uga jeediyeen ciidamadii dagaalka la galay maleeshiyaadka Alshabaab oo in muddo ah halkaasi ka talinayey, fariisano waa weyna ku lahaa.
Wasiirka gaashaandhiga xukuumadda federaalka C/qaadir Maxamed Nuur ayaa bogaadiyey guulaha ay soo hoyeen ciidanka xooga iyo ciidanka maamulka Galmudug waxa uuna sheegay in xukuumada Soomaaliya ay ka go’antahay in dagaalka ka dhanka ah Alshabaab la xoojiyo illaa laga xoreeyo deegaanada ay gacanta ku hayaan. Waxa uuna amaaney dadka deegaanka oo taageero xoogan u fidiyey ciidamada xooga iyo kuwa Galmudug.
Madaxweynaha Galmudug Md. Cabdi Kaariye Qoorqoor, oo hadalo kooban halkaasi ka jeediyey ayaa sheegay in hawlgalada Alshabaab ka dhan ee deegaanada maamulkiisa ka socda la xoojin doono, isla markaana qorshohoodu yahay in Alshabaab guud ahaan laga saaro deegaanada maamulkiisa kaga harsanyihiin, waxa uuna sidoo kale bogaadiyey ciidamada xooga iyo kuwa Galmudug ee jiidda hore ee dagaalka ku sugan.
Maxamed Cumar
WardheerNews, Muqdisho
We welcome the submission of all articles for possible publication on WardheerNews.com. WardheerNews will only consider articles sent exclusively. Please email your article today . Opinions expressed in this article are those of the author and do not necessarily reflect the views of WardheerNews.
WardheerNew’s tolerance platform is engaging with diversity of opinion, political ideology and self-expression. Tolerance is a necessary ingredient for creativity and civility.Tolerance fuels tenacity and audacity.
WardheerNews waxay tixgelin gaara siinaysaa maqaaladaha sida gaarka ah loogu soo diro ee aan lagu daabicin goobo kale. Maqaalkani wuxuu ka turjumayaa aragtida Qoraaga loomana fasiran karo tan WardheerNews.
Copyright © 2024 WardheerNews, All rights reserved
