Muqdisho (WDN)- Madaxweynaha Jamhuuriyadda Federalka Soomaaliya Md. Xasan Sheekh Maxamuud oo maalintii 2aad booqasho rasmi ah ku jooga dalka Ereteriya, ayaa maanta booqdey ciidamada xooga dalka ee tababarka u joogey dalkaasi muddo laba sano ah.
Madaxweyne Xasan oo uu weheliyo dhiggiisa Ereteriya essias efewerk, ayaa salaan ka qaatay ciidamo Soomaali ah oo dalkaas tababar u joogay, kuwaasi halkaa la geeyey xilligii uu talada hayey madaxweynihii hore ee Soomaaliya Maxamed Cabdullaahi Farmaajo.
Ciidamadaan ayaa muddooyinkii danbe arrinkooda uu muran badan ka taagnaa, waxaana jirey warar sheegayey in loo adeegsadey dagaalada sokeeye ee ka dhex qarxey ciidamada Ethiopia iyo TPLF, gobolka Tigree.
Madaxweynihii hore ee Soomaaliya Maxamed Cabdullaahi Farmaajo ayaa maalinkii uu xilka wareejinayey, sheegay in tirada ciidamada Soomaalida ee tababarka Ereteriya loogu qaadey ay gaarayaan 5 kun oo askari.
Md. Xasan Sheekh ayaa la filayaa in booqashadiisa Ereteriya uu kusoo xaliyo arinta ciidamadan Soomaalida ee tababarkoodu dhamaystay, laakiin keenistooda dalka ay waqti dheer qaadatey. Madaxweyne Xasan ayaa horey u balanqaadey in ciidankaasi dalka la keeni doono, ay laf dhabarna ay u noqon doonaan duulaanka ka dhanka ah xag jirka Alshabaab ee dawladnimada Soomaalida kasoo horjeeda.
Maxamed Cumar Aadan
WardheerNews, Muqdisho
We welcome the submission of all articles for possible publication on WardheerNews.com. WardheerNews will only consider articles sent exclusively. Please email your article today . Opinions expressed in this article are those of the author and do not necessarily reflect the views of WardheerNews.
WardheerNew’s tolerance platform is engaging with diversity of opinion, political ideology and self-expression. Tolerance is a necessary ingredient for creativity and civility.Tolerance fuels tenacity and audacity.
WardheerNews waxay tixgelin gaara siinaysaa maqaaladaha sida gaarka ah loogu soo diro ee aan lagu daabicin goobo kale. Maqaalkani wuxuu ka turjumayaa aragtida Qoraaga loomana fasiran karo tan WardheerNews.
Copyright © 2024 WardheerNews, All rights reserved
