Friday, March 29, 2024
Wardheer News
  • Slideshow
  • Warar

Hoggaanka Sare ee ONLF oo si Diirran loogu Soo dhaweeyay Jigjiga

Guddoomiyaha Jabhadda Waddaniga Xoreynta Ogaadeeniya (ONLF) Md. Maxamed Cumar Cismaan iyo wafti uu hoggaaminayay ayaa maanta si diirran loogu soo dhaweeyay caasimadda Deegaanka Soomaalida ee Jigjiga.

Waftiga oo ka soo kicitimay magaalada Addis Ababa oo ay shalay yimaadeen ayaa dadweyne aad u tiro badan oo sita calanka ONLF kaga hortegeen Gegida Diyaaradaha ee Garaad Wiilwaal ee magaalada Jigjiga.

Guddoomiyaha iyo waftigiisa oo uu wehelinayo madaxweynaha Deegaanka Soomaalida ayaa isla maanta ka qaybgalay kulan ballaadhan oo lagu qabtay Garoonka Kubbadda Cagta ee magaalada Jigjiga.

Guddoomiyaha oo goobtaas kula hadlayay kumanaan dadweyne ah ayaa sheegay sida uu ugu faraxsanyahay ku soonoqoshada dalkiisa isagoo islamarkaana xusay halgankii dheeraa ee ay shacabka Soomaaliyeed ee Itoobiya gumaysataa u soo galeen sidii ay aayahooda uga tashan lahaayeen. Waxaa kale oo uu guddoomiyuhu goobta mahadnaq uga soo jeediyay waddamadii iyo Ururadii taageerada la garab taagnaa muddadii dheerayd ee ay halganka ku jireen.

Md. Maxmaed Cumar Cismaan ayaa sidoo kale sheegay in aanu weli halgankii dhammaan balse loo gudbay marxalad kale oo ay rabaan in ay si nabadgelyo ah xuquuqdooda ku helaan, waxaanu shacabka ugu baaqay in ay u middobaan sidii xaqooda u hanan lahaayeen.

Soo dhaweynta aan loo kala hadhin ee ay shacabka Jigjiga ku qaabileen madaxda ONLF ayaa muujinaysa shacbiyadda iyo taageerada uu Ururku ku dhex leeyahay Shacabka Soomaaliyeed ee xukunka Itoobiya ku hoos jira.

Imaanshiiyaha dalka ee madaxda ONLF ayaa ka dambeysay isbeddelkii siyaasadeeed ee ka dhacay dalka Itoobiya iyo heshiiskii ay dhawaan kala saxiixdeen labada dhinac.

Guddoomiyaha ayaa la filayaa inuu socdaal ku kala bixin doono gobollada iyo degmooyinka kala geddisan ee deegaanka Soomaalida.

WardheerNews


We welcome the submission of all articles for possible publication on WardheerNews.com. WardheerNews will only consider articles sent exclusively. Please email your article today . Opinions expressed in this article are those of the author and do not necessarily reflect the views of WardheerNews.

WardheerNew’s tolerance platform is engaging with diversity of opinion, political ideology and self-expression. Tolerance is a necessary ingredient for creativity and civility.Tolerance fuels tenacity and audacity.

WardheerNews waxay tixgelin gaara siinaysaa maqaaladaha sida gaarka ah loogu soo diro ee aan lagu daabicin goobo kale. Maqaalkani wuxuu ka turjumayaa aragtida Qoraaga loomana fasiran karo tan WardheerNews.

Copyright © 2024 WardheerNews, All rights reserved

Leave a Reply

You must be logged in to post a comment.