Sunday, February 25, 2024
Wardheer News
  • Slideshow
  • Warar

Guddida Doorashooyinka Somaliland oo Si Rasmi ah Ugu Dhawaaqay Natiijadii Doorashada Madaxweynenimada Somaliland

Hargeysa (WDN)- Guddoomiyaha Guddida Doorashooyinka Somaliland Md. Cabdilqaadir Iimaan Warsame ayaa si rasmi ah ugu dhawaaqay in musharriintii Xisbiga Kulmiya ay ku guulaysteen doorashadii madaxweynenimada ee 13kii bishan Noofember ka qabsoontay Somaliland.

Guddoomiyaha ayaa shaaciyay in xisbiyadu ay codadka u kala heleen sidatan;

Xisbiga Ucid wuxuu helay 23,141 Cod oo u dhiganta 4.17%.

Xisbiga Waddani  wuxuu helay 226 ,092 Cod oo u dhiganta  40.73%.

Xisbiga Kulmiye wuxuu helay 305,909 Cod oo u dhiganta 55.19% dadka codeeyay.

Muran iyo eedaymo badan oo musuqmaasuq iyo kushubasho ku saabsan oo ay soo jeedinayeen maalmihii aan soo dhaafnay Xisbiga Waddani ayaa dibudhac ku keenay ku dhawaaqista natiijada oo la filayay toddobaadkii aan soo dhaafnay.

Warku waxa uu intaas ku darayaa in masulliyiinta xisbiga Waddani oo uu ku jiro Cabdiraxmaan Cabdillahi Cirro oo ahaa musharrixii xilka madaxweynaha ee xisbigaasi aanay ka soo xaadirin goobtii lagaga dhawaaqay natiijada.

Iyadoo ilaa hadda aanay war rasmi ah ka soo saarin xisbiga Waddani natiijada doorashada ayaan la ogeyn in ay ku qanci doonaan iyo in kale.

WardheerNews


We welcome the submission of all articles for possible publication on WardheerNews.com. WardheerNews will only consider articles sent exclusively. Please email your article today . Opinions expressed in this article are those of the author and do not necessarily reflect the views of WardheerNews.

WardheerNew’s tolerance platform is engaging with diversity of opinion, political ideology and self-expression. Tolerance is a necessary ingredient for creativity and civility.Tolerance fuels tenacity and audacity.

WardheerNews waxay tixgelin gaara siinaysaa maqaaladaha sida gaarka ah loogu soo diro ee aan lagu daabicin goobo kale. Maqaalkani wuxuu ka turjumayaa aragtida Qoraaga loomana fasiran karo tan WardheerNews.

Copyright © 2024 WardheerNews, All rights reserved

Leave a Reply

You must be logged in to post a comment.