Muqdisho (WDN)- Shirka Golaha Wasiirrada Xukuumadda Federaalka Soomaaliya ayaa maanta shirkooda isbuuc laha oo uu shir gudoomiyey Ra’iisal Wasaare Kexigeenka Xukuumadda Md. Saalax Axmed Jaamac u magacaabay Jenaraal Sulub Axmed Firin, taliyaha cusub ee Ciidanka Booliiska Soomaaliyeed, Golaha ayaa sidoo kale meelmariyay heshiiska aasaasidda ciidamada Bariga Afrika.
Golaha wasiirada xukuumadda ayaa ansixiyay soo jeedinta wasaaradda Amniga Gudaha oo ah in General Sulub Axmed Firin inuu noqdo taliyaha cusub ee ciidanka Booliiska Soomaaliyeed, kaasi oo badali doono Gen. Cabdi Xasan Xijaar oo xilkaan tan iyo bishii April sanaddii 2019.
Dhanka kale golaha ayaa ansixiyay heshiiska aasaasidda ciidamada heeganka ah ee dalalka Bariga Afrika, oo ay ku mideysanyihiin sagaal waddan, oo kala ah Soomaaliya, Burundi, Jabuuti, Itoobiya, Kenya, Rwanda, Seychelles, Suudaan iyo Uganda. Ansixinta heshiiskani ayaa la sheegay in ay qeyb wayn ka qaadanayso xasilinta Soomaaliya, oo iminka wajahaysa dagaal ka dhan ah argagixisada gaar ahaan Alshabaab iyo Daacish.
Maxamed Cumar
WardheerNews, Muqdisho
We welcome the submission of all articles for possible publication on WardheerNews.com. WardheerNews will only consider articles sent exclusively. Please email your article today . Opinions expressed in this article are those of the author and do not necessarily reflect the views of WardheerNews.
WardheerNew’s tolerance platform is engaging with diversity of opinion, political ideology and self-expression. Tolerance is a necessary ingredient for creativity and civility.Tolerance fuels tenacity and audacity.
WardheerNews waxay tixgelin gaara siinaysaa maqaaladaha sida gaarka ah loogu soo diro ee aan lagu daabicin goobo kale. Maqaalkani wuxuu ka turjumayaa aragtida Qoraaga loomana fasiran karo tan WardheerNews.
Copyright © 2024 WardheerNews, All rights reserved
