Muqdisho (WDN)- Kulanka Usbuuc laha ah ee Golaha Wasiirada Xukuumadda Federaalka Soomaaliya ayaa maanta diiradda lagu saarey kacdoonka bulshada ee ka dhanka ah kooxda Alshabaab iyo hawlgalada iminka socda oo deegaano badan oo Alshabaab looga qabsadey.
Golaha Wasiirada ayaa isku raacey soo jeedin ka timid wasaaradda arrimaha gudaha iyo dib u heshiisiinta oo ah qabashada shirweynaha amniga qaranka loogana hadlayo hawlgalada ka dhanka ah Alshabaab iyo kacdoonka dadka deegaaka.
Qoraal kasoo baxey xukuumadda Soomaaliya ayaa lagu yiri “golaha wasiiradda waxa uu go’aamiyey qabashada shir qaran oo looga arinsanayo fidinta,dhiirigelinta iyo qarameynta kacdoonka bulshada ee ka dhanka ah argagixisada oo ay garwadeen ka noqonayso wasaaradda arrimaha gudaha iyo dib u heshiisiinta”.
Xukuumadda Soomaaliya ayaa doonaysa in ay mideyso dadaallada dadka deegaanku ay isaga difaacayaan Alshabaab iyo hawlgalada ciidamada xoogga dalka wadaan oo deegaano badan kooxda looga saarey, waxaana weli socda abaabulo kale oo ka socda deegaanada maamulada Jubbaland iyo Koonfur Galbeed oo ah meelaha ay ku yaalaan saldhigyada ugu xoogga badan Alshabaab iyo cududooda milatari.
Maxamed Cumar
WardheerNews, Muqdisho
We welcome the submission of all articles for possible publication on WardheerNews.com. WardheerNews will only consider articles sent exclusively. Please email your article today . Opinions expressed in this article are those of the author and do not necessarily reflect the views of WardheerNews.
WardheerNew’s tolerance platform is engaging with diversity of opinion, political ideology and self-expression. Tolerance is a necessary ingredient for creativity and civility.Tolerance fuels tenacity and audacity.
WardheerNews waxay tixgelin gaara siinaysaa maqaaladaha sida gaarka ah loogu soo diro ee aan lagu daabicin goobo kale. Maqaalkani wuxuu ka turjumayaa aragtida Qoraaga loomana fasiran karo tan WardheerNews.
Copyright © 2024 WardheerNews, All rights reserved
