Muqdisho (WDN)- Hawl gal qorsheysan oo Hay’adda Nabadsugida iyo Sirdoonka Qaranka (NISA), ciidanka Xoogga Dalka iyo maleeshiyaadka deegaanka ee Macwisleyda, saacado badan qaatay ka fuliyay deegaanka Ceeldheere oo dhaca xuduudda gobolada Shabeellaha Dhexe iyo Hiiraan. Hawlgalka oo lala beegsaday maleeshiyaad ka tirsan kooxda argagixsada ah ee Alshabaab, oo goobtaasi isku urursanayey.
Wasiir ku-xigeenka Wasaaradda Warfaafinta Xukuumadda Soomaaliya Cabdiraxmaan Yuusuf Cumar Alcadaala, oo shir jaraa’id u qabtay warfidiyeenada ayaa sheegay in howlgalka oo ay barbar socotay duqeyn cirka oo ay fuliyeen diyaaradaha duuliye la’aanta ee ciidamada Mareykanka lagu beegsaday maleeshiyaad ka tirsanaa Al-shabaab.
Md. Cabdiraxmaan ayaa sheegay in howlgalka lagu dilay ku dhawaad 100 xubnood oo isugu jiray maleeshiyo iyo saraakiil, inkasta oouu ka gaabsaday khasaaraha dhinaca howlgalka ciidmada dowladda federaalka iyo kuwa deegaanka kasoo gaaray.
Sidoo kale Md. Cabdiraxmaan ayaa tilmaamay in argaxisadii deegaanka Ceeldheere isku urursanay lagal wareegay, isla markaana haatan ay deegaankaas ku sugan yihiin ciidamada xoogga iyo kuwa macawisleyda.
Xukuumadda Federaalka Soomaaliya ayaa sheegtey in Ciidamada Xoogga Dalka iyo kuwa Nabadsugida ay ku daba jiraan saraakiil ay sheegay inay ka tirsan yihiin Al-shabaab oo baxsaday, waxaana xukuumaddu balanqaadey in howlgalada lagu baacsanayo kooxda Al-shabaab uu sii socon doono inta laga ciribtiraayo oo dhibaatadooda laga dulqaadaayo shacabka Soomaaliyeed.
Maxamed Cumar
WardheerNews, Muqdisho
We welcome the submission of all articles for possible publication on WardheerNews.com. WardheerNews will only consider articles sent exclusively. Please email your article today . Opinions expressed in this article are those of the author and do not necessarily reflect the views of WardheerNews.
WardheerNew’s tolerance platform is engaging with diversity of opinion, political ideology and self-expression. Tolerance is a necessary ingredient for creativity and civility.Tolerance fuels tenacity and audacity.
WardheerNews waxay tixgelin gaara siinaysaa maqaaladaha sida gaarka ah loogu soo diro ee aan lagu daabicin goobo kale. Maqaalkani wuxuu ka turjumayaa aragtida Qoraaga loomana fasiran karo tan WardheerNews.
Copyright © 2024 WardheerNews, All rights reserved
