Muqdisho (WDN)- Wajigii 1-aad ee shirweynaha dib u heshiisiinta Koonfur Galbeeeb Soomaaliya, oo xal loogu raadinaayey xiisadda ka dhex aloosantay maamulkaasi iyo siyaasiyiinta mucaaradka, ayaa lagu soo gabgaeeyay magalaada Baydhabo ee xarunta KMG ee Koonfur Galbeed. Xiisada Koonfur Galbeed, ayaa ka dhalatey isku dhacyo sababey dhimasho,dhaawac iyo burbur hantiyeed oo dhex maray maamulka uu hoggaamiyo Cabdicasiis Lafta Gareen iyo siyaasiyiin mucaarad ah.
Shirweynahaan oo uu daah furey madaxweynaha jamhuuriyadda federaalka Soomaaliya Md. Xasan Sheekh Maxamuud 17-kii bishaan Janaayo, ayaa diiradda lagu saarey xal u helidda khilaafka siyaasaddeed ee Koonfur Galbeed kasoo ifbaxey si loo ilaaliyo midnimada iyo dawladnimada Soomaaliya, isla markaana meel kaliya looga soo wada jeesto maleeshiyaadka xagjirka ee Alshabaab.
Guddoomiyaha golaha shcabka ayaa gunaanadka wajiga 1-aad ee shirka waxa uu warbixin ka dhagaystay guddiga farsamada shirka iyo guddiga ay iska soo xuleen odayaasha dhaqanka, oo ku aaddaneyd qiimeynta dhacdooyinkii ka dhashay khilaafka siyaasadeed ee madaxda Koonfur Galbeed iyo siyaasiyiinta mucaaradka.
Md. Aadan Madoobe ayaa guddiga odayaasha dhaqanka ku wareejiyay lacag loogu tala galay ehelada dadkii ku dhintey, daaweynta dadkii ku dhaawacmey, laguna dayactiro hantidii ku burburtay Dhacdadii 23-kii December 2022, isagoona xusay wixii culeys ah ee ka yimaada la xalin doono, ismarkaana wixii warbxintooda dib ay ugu soo celiyaan guddoomiyaha golaha shacabka baarlamaanka Soomaaliya.
Guddoomiyaha golaha shacabka baarlamaanka Soomaaliya ayaa intaasi ka dib ku dhawaaqay inuu furanyahay wajiga 2-aad ee shirweynaha dib u heshiisiinta Koonfur Galbeed, kaasi oo haatan wixii ka danbeeya diiradda lagu saaro doono xal u helidda khilaafka ka dhashay baaqashada doorashada madaxtinimo ee maamulkaasi oo mucaaradku ku doodayaan in muddo xileedka madaxweyne LaftaGareen ku ekeyd bishii December sanaddii dhamaatey ee 2022.
Maxamed Cumar
WardheerNews, Muqdisho
We welcome the submission of all articles for possible publication on WardheerNews.com. WardheerNews will only consider articles sent exclusively. Please email your article today . Opinions expressed in this article are those of the author and do not necessarily reflect the views of WardheerNews.
WardheerNew’s tolerance platform is engaging with diversity of opinion, political ideology and self-expression. Tolerance is a necessary ingredient for creativity and civility.Tolerance fuels tenacity and audacity.
WardheerNews waxay tixgelin gaara siinaysaa maqaaladaha sida gaarka ah loogu soo diro ee aan lagu daabicin goobo kale. Maqaalkani wuxuu ka turjumayaa aragtida Qoraaga loomana fasiran karo tan WardheerNews.
Copyright © 2024 WardheerNews, All rights reserved
