Thursday, March 28, 2024
Wardheer News
  • Slideshow
  • Warar

Safaaradda Soomaaliya ee Sudan oo ka warbixisay tirade muwaadiniin Soomaaliyeed oo laga daadgureeyay dalka Sudan

Muqdisho (WDN)- Safiir ku xigeenka Soomaaliya ee waddanka Suudaan Danjire Axmed Cabdi Xasan, ayaa sheegay in muwaadiniin Soomaaliyeed oo tiradoodu gaarayso 1,500 oo qof ka baxeen dalka Suudaan.  Danjiraha oo ka waramayay muwaadaniintaas Soomaaliyeed, ayaa sheegay in ay isugu jiraan arday iyo dad kale oo siyaabo kala duwan ugu noolaa Suudaan. 

Safiir ku xigeenka ayaa sidoo kale sheegay in safaaraddaha Soomaaliya ee dalalka Sudaan iyo Itoobiya iska kaashadeen gurmad u fidinta dadka Soomaaliyeed ee ka baxay colaadda ka taagan dalkaas Suudaan.

“Xaalada muwaadiniinta Soomaaliyeed aad ayay u fiicantahay, wasaaradda arrimaha debadana waxay samaysay laba team oo ka hawlgalay saafarada Addis Ababa, iyo safaaradda Khartuum, ujeedka loo hawlgeliyayna waxay ahayd in muwaadiniinta Soomaaliyeed loo shaqeeyo, wasaaradda arrimaha debada waxay ku guulaysatay inay dawladaha dariska ah kala hadasho muwaadiniinta Soomaaliyeed ee waddamadooda soo gelaya, hadda dadka ugu baddan waxay u socdaan dhanka Ethiopia”

Dagaal iyo iska-horimaadyo u dhaxeeya labo ciidan oo ku loollama Suudaan, ayaa sababay dagaalo hadda galay usbuucii 3-xaad, iyada oo la isku adeegsaday hub culus sida diyaaradaha dagaalka iyo Taankiyada.

Siciid Maxamed Axmed
WardheerNews


We welcome the submission of all articles for possible publication on WardheerNews.com. WardheerNews will only consider articles sent exclusively. Please email your article today . Opinions expressed in this article are those of the author and do not necessarily reflect the views of WardheerNews.

WardheerNew’s tolerance platform is engaging with diversity of opinion, political ideology and self-expression. Tolerance is a necessary ingredient for creativity and civility.Tolerance fuels tenacity and audacity.

WardheerNews waxay tixgelin gaara siinaysaa maqaaladaha sida gaarka ah loogu soo diro ee aan lagu daabicin goobo kale. Maqaalkani wuxuu ka turjumayaa aragtida Qoraaga loomana fasiran karo tan WardheerNews.

Copyright © 2024 WardheerNews, All rights reserved

Leave a Reply

You must be logged in to post a comment.