Garowe, Sida lagu xusay wareegto maalintii shalay ee ay taariikhdu ku beegnayd 21ka Juun 2021, ka soo baxday xafiiska madaxweynaha dawlad goboleedka Puntland Md. Saciid Cabdullaahi Deni, waxa dhammaan qaybaha kala duwan ee dawladda Puntland lagu faray in ay si buuxda ugu dhaqmaan adeegsiga af Soomaaliga.
Wareegtadan oo ku socotay dhammaan wasaaradaha, Hay’adaha madaxa bannaan iyo guddoomiyeyaasha gobollada iyo degmooyinka ayaa lafaray in ay af Soomaaliga u adeegsadaan qoraallada xafiisyada, boorarka shirarka iyo farriimaha loo gudbinayo bulshada.
Madaxweynaha ayaa sidoo kale wareeegtada ku sheegay in ay waajib tahay dhaqangelinta sharciga ilaalinta afka Soomaaliga.
Waxii ka dambeeyay burburkii dawladdii dhexe ee Soomaaliya ayaa waxa meesha ka baxay adeegsigii af Soomaaliga ee dhinaca maamulka iyo waxbarashada iyadoo ay kaalintaasi buuxiyeen afafka Ingiriiga iyo Carabidu.
Af soomaaliga meesha ka baxay ayaa dhaliyay warwar laga muujiyay in af Soomaaliga ay ku soo wajahantahay halis keeni karta in uu dabago’o haddii aan loo guntan ka hortagga arrintaas .
Haddaba tallaabadan ay qaadday dawlad goboleedka Puntland ayaa noqon doonta mid yaraynaysa ama meesha ka saari karta halistaas ku soo fool leh af Soomaaliga.
Dawlad Deegaanka Soomaalida ayaa iyadu hore ugu dhawaaqday amar ay mudnaanta koowaad ku siinayso afka Soomaaliga marka ay noqoto dhanka boodhadhka hay’adaha dawladda, hoteelada iyo meheradah kala duwan iyadoo af Soomaaligu noqonayo afka ugu korreeya boodhadhka hay’adahaas iyo meheradahaas kala geddisan.
Waxaa lagamamaarmaan ah in dhammaan maamullada kale ee ka jira Soomaaliya iyo deegaannada kale ee Soomaalida ay kaga daydaan Puntland tallabadan wax-ku-oolka ah ee loogu hiilinayo afkeenna hooyo.
WardheerNews, Garowe
We welcome the submission of all articles for possible publication on WardheerNews.com. WardheerNews will only consider articles sent exclusively. Please email your article today . Opinions expressed in this article are those of the author and do not necessarily reflect the views of WardheerNews.
WardheerNew’s tolerance platform is engaging with diversity of opinion, political ideology and self-expression. Tolerance is a necessary ingredient for creativity and civility.Tolerance fuels tenacity and audacity.
WardheerNews waxay tixgelin gaara siinaysaa maqaaladaha sida gaarka ah loogu soo diro ee aan lagu daabicin goobo kale. Maqaalkani wuxuu ka turjumayaa aragtida Qoraaga loomana fasiran karo tan WardheerNews.
Copyright © 2024 WardheerNews, All rights reserved
