Muqdisho (WDN)- Madaxweynaha Jamhuuriyadda Federaalka Soomaaliya Md. Xasan Sheekh Maxamuud, ayaa maanta gaarey Nuur-dugle oo ka tirsan deegaanada hoostaga maamulka Hirshabeelle, isagoo halkaasi ku kormeerey ciidamada xoogga dalka iyo kuwa deegaanka ee ku guuleystay in Alshabaab deegaankaasi ka saaraan.
Madaxweyne Xasan ayaa hadal kooban u jeediyey bulshada ku dhaqan Nuur-dugle.
Madaxweynaha ayaa ciidamada xoogga dalka iyo shacabka ku nool Hirshabelle, gaar ahaan Nuur-dugle iyo deegaanada ku xeeran ku ammaanay guulaha ay ka gaareen dagaalka ay kula jiraan Alshabaab, waxa uuna ku dhiirigeliyay in ay sii wadaan halgankooda ka dhanka ah argagixisada
Md. Xasan Sheekh ayaa warbixin ku saabsan xaaladda deegaankaasi ka dhagaystey saraakiisha gacanta ku haysa deegaanka Nuur-dugle, isagoo tilmaamay in aan la aqbali karin in wiil ama gabar Soomaaliyeed aan ku weyno dagaal aan ahayn midka lagula jiro Alshabaab, waxa uuna ku booriyay in ay adkeeyaan walaalnimada iyo wadajirka isla markaana ay meel uga soo wada jeestaan cadowga ummadda.
Booqashada madaxweynaha Soomaaliya uu ku tagayo deegaanada laga xoreeyey maleeshiyaadka Alshabaab, ayaa ah mid lagu dardargelinayo hawlgalka ka dhanka kooxdaasi.
Madaxweyne Xasan oo dhawaanahan ku jiray booqsshooyin uu ku tagayo deeganada laga xoreeyay Al Shabaab, ayaa horey u booqday degmooyinka Maxaas ee gobolka Hiiraan iyo sidoo kale Wabxo ee gobolka Galgaduud. Md Xasan ayaa xusey in dawladda Soomaaliya ay ka go’antahay in Alshabaab guud ahaan dalka laga sifeeyo, laguna fuliyo cadaaladda saraakiishooda oo uu ku tilmaamay manaxayaal xasuuq ba.an kula kacey shacabka Soomaaliyeed.
Maxamed Cumar
WardheerNews, Muqdisho
We welcome the submission of all articles for possible publication on WardheerNews.com. WardheerNews will only consider articles sent exclusively. Please email your article today . Opinions expressed in this article are those of the author and do not necessarily reflect the views of WardheerNews.
WardheerNew’s tolerance platform is engaging with diversity of opinion, political ideology and self-expression. Tolerance is a necessary ingredient for creativity and civility.Tolerance fuels tenacity and audacity.
WardheerNews waxay tixgelin gaara siinaysaa maqaaladaha sida gaarka ah loogu soo diro ee aan lagu daabicin goobo kale. Maqaalkani wuxuu ka turjumayaa aragtida Qoraaga loomana fasiran karo tan WardheerNews.
Copyright © 2024 WardheerNews, All rights reserved
