Muqdisho, Madaxweynaha dhawaan la doortey Md. Xasan Sheekh Maxamuud ayaa maanta si rasmi ah ugala wareegay xilka madaxweynihii hore ee Soomaaliya Md. Maxamed Cabdullaahi Farmaajo kadib xaflad ballaaran oo saaka ka dhacdey aqalka madaxtooyada Soomaaliya.
Madaxweynaha xilka banneeyey oo munaasabadda xilwareejinta hadal ka jeediyey ayaa faahfaahin ka bixiyey waxqabadkiisa intuu talada hayey, isagoo tilmaamey in uusan ku takri falin hantida dadweynaha isla markaana aanu bixin dhulka iyo dhismayaasha dawladda.
Farmaajo ayaa sidoo kale sheegay in madaxweynaha cusub ee Soomaaliya Xasan Sheekh Maxamuud uu ku wareejiyey galka askartii tababarka loogu qaadey Eriteriya, waxa uuna xusey in asktartaasi oo tiradoodu gaareyso 5 kun oo askari ay tababarkooda dhammaysteen bartamihii sanaddii hore.
Madaxweyne Xasan Sheekh ayaa dhankiisa uga mahadceliyey madaxweynihii hore wada shaqaynta uu u muujiyey, waxa uuna sheegay in muddada uu xilka hayo ku dadaali doono sidii loo sixi lahaa qaladaadkii dhacay, dhawaanna uu soo dhisi doono xukuumad si dhab ah wax uga qabata dhibaatooyinka kala duwan ee dalka jira.
Madaxweyne Xasan Sheekh ayaa kusoo baxay doorashadii dalka ka dhacday 15kii bishaan oo ay ku loolameen musharaxiin gaareysa 39.
Maxamed Cumar Adan
WardheerNews, Muqdisho
We welcome the submission of all articles for possible publication on WardheerNews.com. WardheerNews will only consider articles sent exclusively. Please email your article today . Opinions expressed in this article are those of the author and do not necessarily reflect the views of WardheerNews.
WardheerNew’s tolerance platform is engaging with diversity of opinion, political ideology and self-expression. Tolerance is a necessary ingredient for creativity and civility.Tolerance fuels tenacity and audacity.
WardheerNews waxay tixgelin gaara siinaysaa maqaaladaha sida gaarka ah loogu soo diro ee aan lagu daabicin goobo kale. Maqaalkani wuxuu ka turjumayaa aragtida Qoraaga loomana fasiran karo tan WardheerNews.
Copyright © 2024 WardheerNews, All rights reserved
