Muqdisho, Madaxweynaha cusub ee dhawaan la doortey mudane Xasan Sheekh Maxamuud oo uu weheliyo sii hayaha xilka wasiirka wasaaradda maaliyadda C/raxmaan Beyle, ayaa kulan fogaan-arag (zoom) ah la qaatey mas’uuliyiin ka tirsan hay’adda lacagta adduunka xilli maanta oo taariikhdu tahay 17 May ay ku beegantahay waqtigii hay’adda IMF hore u sheegtey in ay joojinayso wada-shaqayntii ay la lahayd hay’adaha dawladda Federaalka haddii doorashada madaxweynaha waqtigeeda dib uga dhacdo.
Kulankan ayaa diiradda lagu saarey qorshaha dibuqaabaynta dhaqaalaha Soomaaliya maadaama IMF qeyb weyn ka qaadato kabka dhaqaalaha hay adaha dawladda iyo mashaariicda kala duwan ee dalka ka jira.
Madaxweyne Xasan Sheekh ayaa ballanqaadey in dawladdiisu wadashaqayn fiican la yeelan doonto IMF isla markaana diyaar u yihiin la dagaalanka musuqa iyo ka shaqaynta mashruuca deyn cafinta Soomaaliya, isagoo faahfaahin ka bixiyey siyaasadda dhaqaale ee dawladiisa hiigsan doonto.
Tan iyo markii la doortey madaxweynaha cusub waxaa uu kulamo kala duwan la qaatey madaxweynaha xilka wareejinaya Maxamed Cabdullahi Farmaajo, madaxda maamul goboleedyada iyo siyaasiin kale, waxa uuna wadaa dadaalo ku aadan soo bandhigidda siyaasadiisa maamul ee 4ta sano ee soo socota ayadoo maalmaha inagu soo aadan si rasmi ah xilka uu ila wareegi doono.
Maxamed Cumar Adan
WardheerNews, Muqdisho
We welcome the submission of all articles for possible publication on WardheerNews.com. WardheerNews will only consider articles sent exclusively. Please email your article today . Opinions expressed in this article are those of the author and do not necessarily reflect the views of WardheerNews.
WardheerNew’s tolerance platform is engaging with diversity of opinion, political ideology and self-expression. Tolerance is a necessary ingredient for creativity and civility.Tolerance fuels tenacity and audacity.
WardheerNews waxay tixgelin gaara siinaysaa maqaaladaha sida gaarka ah loogu soo diro ee aan lagu daabicin goobo kale. Maqaalkani wuxuu ka turjumayaa aragtida Qoraaga loomana fasiran karo tan WardheerNews.
Copyright © 2024 WardheerNews, All rights reserved
