Thursday, March 28, 2024
Wardheer News
  • Slideshow
  • Warar

Guddoomiye Jawaari oo xaqiijiyay in uu xilka ka degayo

Farmaajo iyo Jawaari

Muqdisho, Iyadoo maalintii shalay ahayd ay soo baxeen wararka sheegaya in uu guddoomiyihii Golaha Shacabka Dawladda  F. Soomaaliya Md. Maxamed Sh. Cusmaan Jawaari uu iscasilay ayaa markii u horreysay uu maanta saxaafadda ka soo hormuuqday isagoo u xaqiijiyay in uu xilka ka degayo.

Guddoomiye Jawaari oo hadal kooban ka jeediyay shir jaraa’id oo ka dhacay xarunta madaxtooyada isagoo uu garab taagnaa Madaxweyne Maxamed cabdullaahi Farmaajo ayaa sheegay in uu xilka ka degi doono maalinta berri, si uu  ammaanada dib ugu celiyo xubnaha Golaha Shacabka ee horay u soo doortay.

Madaxweynaha JF Soomaaliya Md. Maxamed Cabdullaahi Farmaajo oo isna erayo kooban goobta ka jeediyay ayaa uga mahadceliyay go’aanka uu qaatay Md  Jawaari.

“Go’aanka uu qaatay Guddoomiye Jawaari waa mid taariikhi ah, wax shuruud ahna kuma xirin, waxaan u rajaynaa inuu sii wado dadaalada uu ku bixiyay dowladnimada Soomaaliya”ayuu yiri Madaxweyne Farmaajo.

Maalinta berri oo Arbaca ah ayaa la filayaa in guddoomiye Jawaari uu hadal u jeedin doono xubnaha Golaha Shacabka isagoo halkaa istiqqaladdiisa ku dhiibi doona.

Lama saadaalin karo in iscasilaadda Jawaari ay soo afjari doonto khilaafkii ka dhex aloosnaa baarlamaanka iyo xukuumadda amaba ay sababi doonto in ay galaafato mas’uuliyiin kale oo baarlamaanka iyo xukuumadda ka tirsan.

WardheerNews, Muqdisho.

 


We welcome the submission of all articles for possible publication on WardheerNews.com. WardheerNews will only consider articles sent exclusively. Please email your article today . Opinions expressed in this article are those of the author and do not necessarily reflect the views of WardheerNews.

WardheerNew’s tolerance platform is engaging with diversity of opinion, political ideology and self-expression. Tolerance is a necessary ingredient for creativity and civility.Tolerance fuels tenacity and audacity.

WardheerNews waxay tixgelin gaara siinaysaa maqaaladaha sida gaarka ah loogu soo diro ee aan lagu daabicin goobo kale. Maqaalkani wuxuu ka turjumayaa aragtida Qoraaga loomana fasiran karo tan WardheerNews.

Copyright © 2024 WardheerNews, All rights reserved

Leave a Reply

You must be logged in to post a comment.