Muqdisho- (WDN)- Golaha Shacabka Soomaaliya, ee muddo xileedkiisii gabaabsiga yahay, ayaa maanta cod kalsooni ah siiyay Ra’iisal Wasaaraha cusub Md. Maxamed Xuseen Rooble  oo uu bishan Sebt 17-dii soo magacaabay Madaxweyne Farmaajo.

RW Rooble waxaa uu helay tiro  215  cod, oo ahaa  dhamaan xildhibaanadii maanta ka soo xaadiray Golaha Shacabka

RW Rooble oo aan aheyn shakhsi ku dhex jiray arimaha siyaasadda Soomaliya, islamarkaana muddoo xilleedkiisu uu kooban yahay, ayaa magacaabistiisu ku soo beegantay wakhti uu dalku ku jiro xili kalaguur, oo ay ku hareeraysan yihiin duruufo adagi. Kuwaasi oo ah dhinacyada doorashada, Amniga , dhaqaalaha iyo musuqa.

RW Rooble ayaa la filayaa in uu soo dhiso xukuumad dadka ka baxisa xiliga kala-guurka, inkasta oo dad badani aamin san yihiin in uu san heli doonin madaxbanaani uu ku cabiro qorshihiisa iyo higsiga inta uu hayo xilka jagada ra’iisal wasaaraha.

WardheerNews