Slideshow, Warar

Golaha Shacabka JFS oo ansixiyay sharciga Isgaarsiinta Qaranka

August 9, 2017August 9, 2017
0
Golaha Shacabka JFS oo ansixiyay sharciga Isgaarsiinta Qaranka

Muqdishu- kulan  ay ku yeesheen Xildhibaanada Golaha Shacabka Federaalka, ayaa lagaga dooday sharciga Isgaarsiinat dalka.

Mudanayaasha Golaha Shacabka  ayaa dooddaasi ka gadaal ansixiyay sharciga Isgaarsiinta Qaranka, iyadoo 158 xildhibaan ay ogolaatay, halka 1 Xildhibaan uu diiday.

Guddoomiye ku xigeenka 1aad ee Golaha Shacabka mudane Cabdiweli Sheekh Ibraahim Muuday oo shir guddoominayay fadhigaasi ayaa sheegay in ” 158 xildhibaan ayaa ogolaatay, halka 1 Xildhibaan uu diiday, sidaasi daraadeed sharciga Isgaarsiinta dalka waa ansax”,

Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa bogaadiyey Mudanayaasha Golaha Shacabka anxisnta Xeerka Is-gaarsiinta dalka.

WardheerNews