Muqdisho (WDN)- Wasiir ku xigeenka Wasaaradda Warfaafinta Xukuumadda Soomaaliya Md. Cabdiraxmaan Yuusuf Alcadaalla, ayaa sheegay in xukuumadda Soomaaliya ay amar kasoo saartey baahinta wararka la xariira kooxda Alshabaab isla markaana ay beegsan doonaan cidwalba oo amarkaasi ka hor timaada.
Wasiirka ayaa sheegay in amarka xukuumaddu yahay in aan la baahin karin wararka la xariira kooxda Alshabaab, faafinta wararka kooxdaasina uu yahay fal dambiyeed tallaabooyin sharciga waafaqsanna laga qaadi doono ciddii ka hor timaadda.
“Waxaa la mamnuucay baahinta wararka Al-shabaab, talaabooyin ayay qaadday dowladda, waxaana la beegsan doonaa warbaahin kasta ama shaqsi kasta oo lagu helo faafinta farriimaha Kooxdaasi” ayuu sheegay Cabdiraxmaan
Dhanka kale xukuumadda Soomaaliya ayaa ka mambuucday wadaadka xagjirka ah ee dawladda muddada 9 sano u xiran Sheekh Xasan Daahir Aways, adeegsiga baraha bulshada oo in muddo ah uu kasoo muuqan jirey.
Xasan Daahir oo ah wadaad xagjir ah ayaa baraha bulshada u adeegsan jirey inuu kusoo bandhigo afkaartiisa xagjirnimada ah, waxa uuna inta badan dhaleeceyn jirey xukuumadda Soomaaliya. Waxaana amarka looga joojiyey adeegsiga baraha bulshadu yimid xilli dhawaan wiil uu dhalay lagu diley duqeyn dhanka cirka ah oo ay fulisey dayaarad duuliye la’aan ah isagoo gaari ku wadey sarkaal sare oo Alshabaab ka tirsan oo in muddo ah la baadi goobayey. Kaasi oo lagu tirinayey inuu yahay hogaamiyaha badali raba hogaamiyaha kooxda oo iminka xanuun la ildaran.
Maxamed Cumar
WardheerNews, Muqdisho
We welcome the submission of all articles for possible publication on WardheerNews.com. WardheerNews will only consider articles sent exclusively. Please email your article today . Opinions expressed in this article are those of the author and do not necessarily reflect the views of WardheerNews.
WardheerNew’s tolerance platform is engaging with diversity of opinion, political ideology and self-expression. Tolerance is a necessary ingredient for creativity and civility.Tolerance fuels tenacity and audacity.
WardheerNews waxay tixgelin gaara siinaysaa maqaaladaha sida gaarka ah loogu soo diro ee aan lagu daabicin goobo kale. Maqaalkani wuxuu ka turjumayaa aragtida Qoraaga loomana fasiran karo tan WardheerNews.
Copyright © 2024 WardheerNews, All rights reserved
