Thursday, March 28, 2024
Wardheer News
  • Slideshow
  • Warar

Dawladda Soomaaliya oo Gebi ahaanba Hakisay Duulimaadyadii Tegeyay Kismaayo

Garoonka Aadan Cadde

Muqdisho, Hay’adda Duulista Hawada Soomaaliya ayaa amar ay maanta soosaartay gebi ahaanba ku hakisay diyaaradihii tegi jiray magaalada Kismaayo, caasimadda KMG ee Jubbaland.

Go’aankan oo ay hay’addu sheegtay in uu dhaqangelayo maanta oo ah 23ka Sebtember ayaa socon doona ilaa 26ka isla bishan.

Hay’adda Duulista Hawadu wax faahfaahin ah kmaanay bixin sababta keentay xayiraadda, haseyeeshee sida muuqata waa mid lagaga hortagayo dadka doonaya in ay ka qaybgalaan xafladda caleemo-saarka madaxweynaha Jubbaland Md. Axmed Maxamed Islaam (Axmed Madoobe) oo dib loo doortay dhawaan haseyeeshee uu maamulka Villa Soomaaliya ku tilmaamay waxbakamajiraan dibudoorashadiisa.

Waxay ahayd uun maalintii shalay markii madaxweynihii hore ee Soomaaliya Md. Shariif Sh. Axmed laga horistaagay socdaal uu ku aadi lahaa magaalada Kismaayo.

Dawladda Soomaaliya ayaa dad badani ku dhaleeceeyeen in ay Garoonka diyaaradha ee Aadan Cadde oo ka mid ah meelaha tirada yar ee ay dawladda awaamiirteedu ka fusho ay siyaasadaynayso, taasoo ay dhibaato kala kulmeen shacabka Soomaaliyeed ee adeegsada garoonkaas.

Dawladda Soomaaliya ayaa iyadu hore u joojisay duulimaadyadii tooska ahaa ee tegi jiray Kismaayo iyadoo qasab lagaga dhigay in ay ku hakadaan Muqdisho inta aanay u gudbin Kismaayo.

Siyaasiyiin, aqoonyahan iyo waxgarad kale oo Soomaaliyeed ayaa aad uga walaacsan qaabka ay wax u wadaan hoggaanka sare ee dawladda Soomaaliya iyagoo ku eedeeya in ay sii kala fogaynayana shacabka Soomaaliyeed islamarkaana ay dibudhac weyn u keenayaan dadaalkii loogu jiray dibugasookabashada burburkii ka dhacay Soomaaliya.

WardheerNews, Muqdisho.


We welcome the submission of all articles for possible publication on WardheerNews.com. WardheerNews will only consider articles sent exclusively. Please email your article today . Opinions expressed in this article are those of the author and do not necessarily reflect the views of WardheerNews.

WardheerNew’s tolerance platform is engaging with diversity of opinion, political ideology and self-expression. Tolerance is a necessary ingredient for creativity and civility.Tolerance fuels tenacity and audacity.

WardheerNews waxay tixgelin gaara siinaysaa maqaaladaha sida gaarka ah loogu soo diro ee aan lagu daabicin goobo kale. Maqaalkani wuxuu ka turjumayaa aragtida Qoraaga loomana fasiran karo tan WardheerNews.

Copyright © 2024 WardheerNews, All rights reserved

Leave a Reply

You must be logged in to post a comment.