Muqdisho, Madaxweyne Xasan Sheekh Maxamuud ayaa wareegto uu soosaarey u magacaabay xildhibaan Cabdiraxmaan Cabdishakuur Warsame ergeyga gaarka ah ee gurmadka abaaraha iyo gargaarka bini aadanimada Soomaaliya xilli dalka ay ka jirto xaalad abaaro saameeyay dad iyo duunyaba.
Xildh. Cabdiraxmaan ayaa mas’uul ka noqon doona dadaalada gudaha iyo dibedda ee lagula tacaalayo abaaraha sidoo kalena waxa uu ka shaqayn doonaa sidii looga hortagi lahaa saaamaynta ballaaran ee abaarugu geysanayaan.
Cabdiraxmaan Cabdishakuur oo safka hore kaga jiray mucaaradka dawladdii uu hoggaamin jiray madaxweyne Maxamed cabdullaahi Farmaajo, xulafo dhawna ay ahaayeen madaxweyne Xasan Sheekh ayaa xilkan cusub ee loo magaacabay muujinayaa in uu go’aansaday ka mid ahaanshaha maamulka Xasan Sheekh halkii uu mucaarad ku abaadi lahaa maadama uu marar badan ku guuldarraystay in loo doorto xilka madaxweynaha Soomaaliya oo uu muddo dheer quudarraynayay.
Xasan Sheekh ayaa tan iyo markii uu sida rasmiga ah xilka ula wareegay maalintii shalay ahayd waxa uu u magacaabey agaasimaha madaxtooyada Xuseen Sheekh Maxamuud iyo la taliyaha amniga qaranka oo isna uu u magacaabay Xuseen Macalin Maxamuud.
Maxamed Cumar Adan
WardheerNews, Muqdisho
We welcome the submission of all articles for possible publication on WardheerNews.com. WardheerNews will only consider articles sent exclusively. Please email your article today . Opinions expressed in this article are those of the author and do not necessarily reflect the views of WardheerNews.
WardheerNew’s tolerance platform is engaging with diversity of opinion, political ideology and self-expression. Tolerance is a necessary ingredient for creativity and civility.Tolerance fuels tenacity and audacity.
WardheerNews waxay tixgelin gaara siinaysaa maqaaladaha sida gaarka ah loogu soo diro ee aan lagu daabicin goobo kale. Maqaalkani wuxuu ka turjumayaa aragtida Qoraaga loomana fasiran karo tan WardheerNews.
Copyright © 2024 WardheerNews, All rights reserved
