Wednesday, April 21, 2021
Wardheer News
  • Slideshow
  • Warar

Buug Cusub oo Qaahira Lagu Soo Bandhigay

Qaariha, Waxaa magalada qaahira ee dalka Masar caawa lagu soo bandhigay Buug cusub oo loogu magacdaray “Hardanka Garbaha Soomaaliya.” oo uu qoray DrDr. Cabdifitaax Nuur Axmed (Ashkir)l  oo ah wasiiru-dowlaha warfaafinta, Isgaarsiinta iyo dhaqanka Puntland.

Waxaa munaasabadda bandhigga buugga ka soo qayb-galay Xildhibaan Maxamed Cumar Dalxa, madax ka tirsan safaaradda Soomaaliya ee dalka Masar, Jaaliyadda, ururrada ardeyda, aqoonyahanno iyo bahda qalinlayda Soomaaliyeed ee ku dhaqan dalka Masar.

Ugu horrayn waxaa madasha ka hadlay Md. Cabdicasiis Cartan oo ah qoraa cilmibaare isagoo sheegay in buuggu yahay buug muhiim ah marka laga fiiriyo dhinaca mowduucyada uu ka warramayo.

Isagoo hadalkiisa sii wata wuxuu Cartan yir, “  buugga Dr. Ashkir uu daabacay waa mid kugu qasbaya hal fadhi oo qura in aad ku dhammayso akhrintiisa, waa buug uu si farshaxannimo leh uu u qoray.”

Waxaa madasha sidoo kale ka hadlay xildhibaan Maxamed Cumar Dalxa – oo ah aqoonyahan si xeeldheerna u yaqaan afka Carabiga- xildhibaanku wuxuu aad u taageeray in Dr. Ashkir isagoo wasiir ah; misana marnaba aanu sii dayn qalinka iyo wax qoriddaba. 

Waxaa iyana madasha ka hadlay Maxamuud Gowgole u-qaabilsanaha dhaqanka ee safaaradda Soomaaliya ee Masar iyo Liibaan Deni, madaxa ururka ardayda Soomaaliyeed ee dalka Masar.

Buugga oo si farsamo casri ah oo qurux badan loo daabacay ayaa waxa uu Dr Ashkir ku qoray afka Carabiga.

Buuggan cusub ayaa waxa uu ka kooban yahay saddex cutub oo kan ugu horreeya uu yahay faallo-siyaasadeed ku aaddan isbaddallada lixaadka leh ee dalka Soomaaliya iyo Geeska Afrikaba ka socda.  Halka cutubka labaad ee buuggu uu ka hadlayo dhaqanka, qoraagga buugga oo ah aqoonyahan daneeya dhaqanka ayaa kaga warramay buuggiisa dhawr mowduuc oo ay ka mid yihiin : Ilaaliyaasha afka Soomaaliga iyo mid kaloo uu ugu magac-daray “ Gambool.. halgamaa Soomaaliyeed oo run sheeg ahaa.” Iyo mowduucyo kaloo xiisa leh. 

Cutubka ugu dambeeya ee buugga waxa uu ka warramay shakhsiyaad saameyn ballaadhan ku lahaa qoraaga. 

WardheerNews


We welcome the submission of all articles for possible publication on WardheerNews.com. WardheerNews will only consider articles sent exclusively. Please email your article today . Opinions expressed in this article are those of the author and do not necessarily reflect the views of WardheerNews.

WardheerNew’s tolerance platform is engaging with diversity of opinion, political ideology and self-expression. Tolerance is a necessary ingredient for creativity and civility.Tolerance fuels tenacity and audacity.

WardheerNews waxay tixgelin gaara siinaysaa maqaaladaha sida gaarka ah loogu soo diro ee aan lagu daabicin goobo kale. Maqaalkani wuxuu ka turjumayaa aragtida Qoraaga loomana fasiran karo tan WardheerNews.

Copyright © 2021 WardheerNews, All rights reserved

Leave a Reply

You must be logged in to post a comment.