Muqdisho ( WDN)- Warar lagu kalsoon yahay oo naga soo gaadhaya beesha caalamka (Xalane iyo Nayroobi) iyo magaalada Kismaayo ayaa sheegaya in UNSOM, iyo qaar ka mid ah dalalka arrimaha Soomaalida aad u daneeya ay u caddeeyeen Guddiga Madaxa Bannaan ee Doorashooyinka iyo Xuduudaha, in waraaqdii uu shalay uu u soo diray Ambassador James Swan aanay ahayn sida loo fahmay.
Sida wararku na soo gaadhayaa ay sheegayaan waxa ay u guddiga xaqiijiyeen in aanay marnaba su’aal gelin iyagu kalsoonida iyo aqoonsiga natiijada doorashooyinka Madaxweynaha iyo Barlamaanka Jubbaland, balse ay ujeedadoodu ahayd in la isu soo dhaweeyo is fahamka Jubbaland iyo tabashada ay qabto Dawladda Federaalka iyo qaar ka mid dadka musharax doonka ah.
Arrintan ayaa ka dambaysay ka dib markii uu maanta guddomiyaha guddigu u diray waraaq uu kaga jawaabayo, tii uu shalay ka helay Ambassador James Swan. Waraaqdaas oo uu ku xusay guddoomiyuhu sida ay aad ugu dedalaaleen una tix geliyeen soo jeedimihii iyo codsiyadii hore ee ay u soo gudbiyeen beesha caalamku. Kuwaas oo uu ka xusay illaa 7 qodob.
Waxa kale oo warqaddaas loogu caddeeyay Ambasaador Swan in hadda la soo gaadhay xilli aan dib loo dhigi karin doorashada ayna ku dhacayso muddadii ay hore u cayimeen oo ku aaddan bishan 22 keeda.
Ugu damabayn waxa uu guddoomiye Xamse dhaliilay qaabka ay u qornayd waraaqda Ambassador Swan oo uu ku tilmaamay in aanay lahayn anshax dublamaasiyadeed, sidaa daraadeedna loo baahan yahay in raalli gelin ka siiyaan shacabka iyo dawladda Jubbaland.
WardheerNews
We welcome the submission of all articles for possible publication on WardheerNews.com. WardheerNews will only consider articles sent exclusively. Please email your article today . Opinions expressed in this article are those of the author and do not necessarily reflect the views of WardheerNews.
WardheerNew’s tolerance platform is engaging with diversity of opinion, political ideology and self-expression. Tolerance is a necessary ingredient for creativity and civility.Tolerance fuels tenacity and audacity.
WardheerNews waxay tixgelin gaara siinaysaa maqaaladaha sida gaarka ah loogu soo diro ee aan lagu daabicin goobo kale. Maqaalkani wuxuu ka turjumayaa aragtida Qoraaga loomana fasiran karo tan WardheerNews.
Copyright © 2024 WardheerNews, All rights reserved
