Muqdisho (WDN)- Madaxweynaha Jamhuuriyadda Federaalka Soomaaliya Md. Xasan Sheekh Maxamuud ayaa maanta safarkiisii 7aad ku gaarey caasimadda dalka Masar ee Qaahira, oo uu martiqaad rasmi ah ka helay.
Madaxweynaha ayaa inta uu Qaahira ku suganyahay waxa uu kulamo kala duwan la qaadan doonaa dhigiisa Masar Cabdulfataax Alsiisii iyo masuuliyiin kale oo xukuumadda dalkaasi ka tirsan, Kulamadaas ayaana diiradda lagu saari doonaa xiriirka qotoda dheer ee labada dal ka dhaxeeya iyo sidii sare loogu qaadi lahaa.
Dowladda Masar ayaa diyaar u ah in ay ka taageerto dowladda Federaalka Soomaaliya dhinacyada amniga iyo tababarada ciidamada, si looga guuleysto kooxaha argagixisada iyo sidoo kale mashaariicda horumarinta. Iyada oo ay jirto xiisad dhanka isticmaalka biyaha Wabiga Niil, oo u dhaxeeya Masar iyo Itoobiya, oo safarka Md. Xasan Sheekh ee Masar keeni karta khilaaf soo kala dhex gala xiriirka Itoobiya iyo Soomaaliya.
Dalka Masar ayaa waxaa ku dhaqan jaaliyad Soomaaliyeed oo aad u ballaaran, waxaana Soomaalida dalkaas ku sugan ay fursado xoogan u haystaan in ay ganacsiyo iyo maalgashi samaystaan waxaa sidoo kale ay ka helaan fursado waxbarasho oo u badan deeqo waxbarasho.
Dhanka kale madaxweynaha Soomaaliya ayaa sidoo kale kulamo la qaadan doona madaxda ururka jaamacadda carabta sida xoghaya guud ee ururkaas Axmed Abulgeyd , waxaana madaxweynaha uu kala hadli doonaa sidii kaalinkii jaamacadda carabta ee Soomaaliya loo xoojin lahaa isla markaana qeyb ay uga qaadan lahayd dib u dhiska iyo horumarinta Soomaaliya.
Maxamed Cumar Aadan
WardheerNews, Muqdisho
We welcome the submission of all articles for possible publication on WardheerNews.com. WardheerNews will only consider articles sent exclusively. Please email your article today . Opinions expressed in this article are those of the author and do not necessarily reflect the views of WardheerNews.
WardheerNew’s tolerance platform is engaging with diversity of opinion, political ideology and self-expression. Tolerance is a necessary ingredient for creativity and civility.Tolerance fuels tenacity and audacity.
WardheerNews waxay tixgelin gaara siinaysaa maqaaladaha sida gaarka ah loogu soo diro ee aan lagu daabicin goobo kale. Maqaalkani wuxuu ka turjumayaa aragtida Qoraaga loomana fasiran karo tan WardheerNews.
Copyright © 2024 WardheerNews, All rights reserved
