Muqdisho (WDN) – Ciidamada xoogga dalka Soomaaliya oo kaashanaya maleeshiyaadka ka tirsan Maamulka Koonfur Galbeed, ayaa qaaday hawlgallo ballaaran oo ka dhan ah Alshabaab. Waxa ayna kooxda kala wareegeen deegaano muddo sanado ah ay ka talin jireen oo ka tirsan gobolka Bay.
Deegaanada Alshabaab lagala wareegay ayaa waxaa ka mid ah Seydheelow, Buulo Jadiid iyo Busley oo ka wada tirsan gobolka Bay,waxa ayna ciidamada ku wajahanyihiin deegaanka Labaatan Jirow oo uu ku yaalo saldhig ka mid ah saldhigyada ugu waawayn maleeshiyaadka Alshabaab ee gobolkaasi Bay.
Hawlgaladaan ka bilawdey deegaanada maamulka Koonfur Galbeed ayaa ku biiraya hawlgalada xooggan ee Alshabaab ka dhan ah ee ka wada socda gobolka Hiiraan iyo Galgaduud oo ka kala tirsan maamulada Hirshabeelle iyo Galmudug, halkaasi oo deegaano badan gacanta Alshabaab laga bixiyey.
Sida ay qortey wakaaladda wararka Soomaaliyeed ee SONNA waxaa gacanta Alshabaab ka baxey deegaano kor u dhaafaya 30, waxaana weli si dardar ah ku socda hawlgalada maleeshiyaadka lagula dagaalamayo, iyada oo maleeshiyaadka Al Shabaab ay bilaabeen in ay dib uga gurtaan deegaanada ciidanka ku wajahanyihiin.
Maxamed Cumar
WardheerNews, Muqdisho
We welcome the submission of all articles for possible publication on WardheerNews.com. WardheerNews will only consider articles sent exclusively. Please email your article today . Opinions expressed in this article are those of the author and do not necessarily reflect the views of WardheerNews.
WardheerNew’s tolerance platform is engaging with diversity of opinion, political ideology and self-expression. Tolerance is a necessary ingredient for creativity and civility.Tolerance fuels tenacity and audacity.
WardheerNews waxay tixgelin gaara siinaysaa maqaaladaha sida gaarka ah loogu soo diro ee aan lagu daabicin goobo kale. Maqaalkani wuxuu ka turjumayaa aragtida Qoraaga loomana fasiran karo tan WardheerNews.
Copyright © 2024 WardheerNews, All rights reserved
