Thursday, March 28, 2024
Wardheer News
  • Slideshow
  • Warar

Ciidamada Amaanka Hirshabeelle oo fashiliyey qaraxyo lala damacsanaa qeybo ka mid ah magaalada Jowhar

Muqdisho (WDN)- Ciidamada Amaanka Maamul Goboleedka Hirshabeelle, ayaa maanta gacanta ku dhigey qaraxyo dhawr ah oo la doonayey in laga sameeyo qeybo ka mid ah xaafadda Horseed ee magaalada Jowhar xarunta KMG ah ee maamulkaasi.

Jowhar, Soomaaliya

Saraakiisha amaanka ayaa sheegay in ay qaraxyada ay qabteen ay ahaayeen miinooyinka dhulka lagu aaso, kuwaasi oo sida ay sheegeen la dhigay qeybo ka mid ah xaafada Horseed ee magaalada Jowhar, waxaana wararku intaa ku darayaan in dadkii deganaa goobaha qaraxyadu la dhigey ay guryahooda isaga carareen ayagoo ka baqdin qaba in waxyeelo kasoo gaarto qaraxyadaasi.

Laamaha amaanka ayaa sheegay in ay wadaan baaritaano ku aadan dabagalka unugyada qaraxyadaan soo abaabula ee ka tirsan xarakada xagjirka ah ee Alshabaab, oo muddooyinkaan danbe weeraro xoogan ka wada deegaanada maamulka Hirshabeelle,ayadoo muddo todobaadyo ahba dagaalo xoogani ka socdaan gobolka Hiiraan.

Bishii Luulyo 17-dii ayey ahayd markii gaari walxaha qarxa laga soo buuxiyey uu ku qarxey hoteel ay inta badan adeegsadaan mas’uuliyiinta maamulka Hirshabeelle. kaasi oo geystey khasaaro xoog leh oo dhimasho, dhaawac iyo burbur hantiyeed oo baaxad leh geystay.

Maxamed Cumar Aadan
WardheerNews, Muqdisho


We welcome the submission of all articles for possible publication on WardheerNews.com. WardheerNews will only consider articles sent exclusively. Please email your article today . Opinions expressed in this article are those of the author and do not necessarily reflect the views of WardheerNews.

WardheerNew’s tolerance platform is engaging with diversity of opinion, political ideology and self-expression. Tolerance is a necessary ingredient for creativity and civility.Tolerance fuels tenacity and audacity.

WardheerNews waxay tixgelin gaara siinaysaa maqaaladaha sida gaarka ah loogu soo diro ee aan lagu daabicin goobo kale. Maqaalkani wuxuu ka turjumayaa aragtida Qoraaga loomana fasiran karo tan WardheerNews.

Copyright © 2024 WardheerNews, All rights reserved

Leave a Reply

You must be logged in to post a comment.