Muqdisho (WDN) – Ciidanka xoogga dalka iyo kuwa macawisleyda ayaa la sheegay in ay saaka baneeyeen deegaanda Moqokori iyo Yasooman ee gobolka Hiiraan, mana jirto faahfaahin rasmi ah oo laga hayo sababaha keenay in deeganadaasi la baneeyo.
Ciidamada deeganadaasi ka soo baxay ayaa la sheegay in ay hadda ku suganyihiin degmada Maxaas iyo Buulo-Burde.
Sidoo kale Xarakada Alshabaab ayaa shaacisey in deegaano dhawr ah oo dhawaan ay qabsadeen ciidanka dawladda federaalka Soomaaliya, ay saaka dib ula wareegeen. Deegaanadaasi oo ka tirsan gobolka Hiiraan ee maamulka Hirshabeelle.
Qoraal xarakadu soo dhigtey baraha bulshada ayey ku sheegtay in ciidamadoodu saaka dib u qabsadeen deegaano ay ka mid yihiin Moqokori iyo Yasooman, halkaasi oo maalmo ka hor dagaalo xoogan oo ka dhacey kooxda laga saarey, khasaaro xoog lehna la gaarsiiyey.
Warar hoose oo la helayo ayaa sheegaya in khilaaf dhanka hoggaanka ah oo soo kala dhexgalay ciidamada dawladda federaalka iyo kuwa deegaanku uu sabab u yahay in ciidamada ay baneeyaan furimaha dagaalka, gaar ahaan deegaanadii muhiimka ahaa ee dhawaan xarakada Alshabaab laga saarey.
Ka soo baxa furimaha dagaalka, gaar ahaan deegaanda laga qabsaday Alshabaab, ayaa dhaawac weyn ku ah kalsoonida shacabka deegaanadaasi, iyada oo sidoo kale uu hoos u dhigayo rajadii laga qabey in laga miro dhaliyo hawlgalka ka dhanka ah kooxda.
Dawladda Soomaaliyaa ayaa hore loogu eedeeyey in ciidamadeedu awood u lahayn in ay kusii sugnaadaan deegaanada Alshabaab laga saaro, inkastoo dawladdu eeddaasi iska fogeysay isla markaana ay guddi u saartey xasilinta iyo maamul u samaynta deegaanada laga saaro maleeshiyaadka Alshabaab.
Arinkan cusub ayaa la dhowrayaa waxa ay ku sifayso DFS iyo qorshaheeda ku aadan sidii ay ku kasban laheyd kalsoonida shacabka iyo in ay ku nagaana karaan deegaanada ay ka qabsadeen Alshabaab.
Maxamed Cumar
WardheerNews, Muqdisho
We welcome the submission of all articles for possible publication on WardheerNews.com. WardheerNews will only consider articles sent exclusively. Please email your article today . Opinions expressed in this article are those of the author and do not necessarily reflect the views of WardheerNews.
WardheerNew’s tolerance platform is engaging with diversity of opinion, political ideology and self-expression. Tolerance is a necessary ingredient for creativity and civility.Tolerance fuels tenacity and audacity.
WardheerNews waxay tixgelin gaara siinaysaa maqaaladaha sida gaarka ah loogu soo diro ee aan lagu daabicin goobo kale. Maqaalkani wuxuu ka turjumayaa aragtida Qoraaga loomana fasiran karo tan WardheerNews.
Copyright © 2024 WardheerNews, All rights reserved
