 |
 |
 |
 |
| |
|
|||||
|
||||||
|
Gabaygani waxa uu soo baxay bishan March 3 deedii 2010. Waxa uu muujinayaa waxa aan diinta iyo dawladnimada midnaba ahayn ee dadka lagu laynayo iyo khaladaadka ay ku kacayaan kooxaha dagaalada ka wada Soomaaliya. Waxa isweydiin mudan baaqa had iyo jeer ay soo saaraan qolyaha TFG da iyo mucaaradku ee ah shacabka ha loo tudho yay u jeedinayaan? Yaa marka hore dad laynaya? Yayse baaqan u jeedinayaan?
Gabaygani arrimahaas ayuu falanqaynayaa, waana kan e ee bal iga hooya: Madfac xaafad laga tuuray oo maati lagu laayay In mujaahid lagu gaadhayay doqontu moodaaye Muslim dhaqanki waa dariska ood magan galyeysaaye Macno maleh misikiin ruuxa dila suuqa marayaaye Musuqmaasuq baa looga baxay magan Ilaahay e Milatari shisheeya ah intuu meel isugu geeyay Minawaarka qiiqiyo gantaal layska daba miisay Sidii gaal munaafaq ah ninkii Xamar madoodsiiyay Misna yidhi masuul baan ahow kaa muraal jabaye Maxastii la boobiyo shacbigi aad u murugootay Majoogaanka yaa badi ka dhigay hawdka moqoraysta? Kuwii mahurtadeennii daldalay yaa maxkamad geeyay? Kol haddaan intii laga mag dhabin dabinka meegaartay Madaxweyne uma dooranine yaa u maxabbeeyay? Haddaan reer is moogow tola’ay idinku maaweelsho Mingistiyo Axmaar baa u hadhay madhaxi Soomaale Kenyana waxay maagan tahay mooyi dabadiine Afrikaan madow baa koley meersan dhaxalkaaye Waa dumar la meeqaan raggaan meeye ku hayaaye Intaan gabay madluun iyo catow idin mihiibsiiyay Een idin maraanmaray ka badan maadha geedaha’e Cadowgii mutuxan ficil xunbaa lagu majiiraaye Waxba muujin maysaan anaad igu mashquushaane Gob muraaday waa inay dhaqsaba mahadi gaadhaaye Muqaawamadi dirirtiyo jabhado magac islaameed leh Mutfi sheekh ah aw macalin iyo culimo maamuusan Marwo iyo mudane wiil ah iyo duqay maqaawiir ah Masuul qaran mid beeleedki iyo maamul goboleedba Maqaal waxaan u dirayaa intii miirku tabayaaye Bal car yaa xaqeenii maqnaa maanta soo celiya? Care yaa intuu muranka dhigo hiil u maraxoora? Masayr iyo xin lama doonayee yaa muddaca howsha? Nabad baa macaan lehe intuu mudh isu soo siiyo Ha midowdo Soomaali weyn yaa na maqashiiya? Mabda’iisa gaarka ah ninkaan igu maleynaynow Mugdi baan dhex jiifaa Abees maqashi taallaaye Midigta iyo bidixduu dugaag mawda ka hayaaye Malkadana libaaxyaa fadhiya miciyo waa weyne Kolay mawdka Eebbaa hayoo madhay sadkaygii We welcome the submission of all articles for possible publication on WardheerNews.com |
